ජාතියක අවසාන භාගය

මෙය මෙසෙය් පල කරන්නට හේතුන් කීපයක් මත එය කෙසේ වුවද අප මෙතනදී කතා කරන මිනිසුන්ගේ යහපත් ක්‍රියාවෙනුවෙන් කතා කිරීම පමණි, අදහස් දක්වන්න

                             මේ ඔබට ලැබෙන අන්තිම අවස්ථාව කරගන්න එපා. අවුරුදු දෙදහස් පන්සීයක් පැවතුණු සිංහල රට හා අවුරුදු දෙදහස් තුන්සීයකට වැඩි කාලයක් පැවතුණු සිංහල බුද්ධාගම ඔබ අගෝස්තු 17 වැනි දා ගන්නා තීරණය මත සඳහට ම නැතිවන්න පුළුවන්. ඔබ එදාට රනිල් අගමැති කරන්න ඡන්දය දුන්නොත් ඔබේ දරුවන්ට හා මුණුබුරන්ට ජීවත්වන්න සිද්දවෙන්නෙ ඔබ ජීවත් වුණු රටේ නෙ වෙයි. 

                                                                       අවුරුදු පන්සිය දහයකට එහා පැත්තෙ පුරුතුගීසි කාරයො මේ රට ආක්‍රමණය කරපු දවසෙ ඉඳන් සිංහල බෞද්ධකම ටිකෙන් ටික අපෙන් ඇත්කරන්න පරයි උත්සාහ කළා. පුරුතුගීසි කාරයෝ ඇවිල්ල අවුරුදු පන්සීයක් ගත වෙච්ච එක ගැන ලොකු උත්සවයක් පවත්වන්න 2005 දී රනිල්ට ඕන උනා. ඒත් රනිල්ට 2005 දී බලය නැතිවුණ හින්ද ඒක කරගන්න බැරි වුනා. නැත්තන් පුරුතුගාලයෙනුත් ලොකු ලොක්කො ගෙනල්ල උත්සවේ පවත්තන්නයි රනිල් හිතන් හිටියෙ. පුරුතුගීසි කාරයෝ අපේ පන්සල් දේවාල (පත්තිනි අම්මගෙ නාථ දෙවියන්ගෙ දේවාල) කඩා දාල ඒ තැන්වල ඒ ගොල්ලන්ගෙ පල්ලි හැදුවා. අපිට ඒ ගොල්ලන්ගෙ සිරිත් විරිත් පුරුදු කළා. 

                                                                                          ලන්දේසි කාරයො ඊට වඩා සට කපටයි. ඒ ගොල්ල අපේ රටේ ඉස්කෝල ඇතිකරලා අපිව සිංහල බෞද්ධකමෙන් ඈත්කරන්න වැඩ කළා. ඒ ගොල්ලො තමයි දුම්කොළ වවන්න දකුණු ඉන්දියාවෙන් වෙල්ලාල මිනිසුන් ගෙනාවේ. ඒ කාලෙ යාපනේ හිටියෙ සිංහල මිනිස්සු. ලන්දේසි වෙල්ලාලයන්ට තනතුරු එහෙම දීලා ඒ අයව සමාජයෙ උඩීන් තිබ්බ. අර සිංහල මිනිස්සුන්ව පහත් කියන කුලවලට දාල (නලවාර්, කරෙයිවාර් ආදි) ඒ මිනිස්සුන්වත් දෙමළ කරලා යාපනේ උඩු යටි කෙරුවා. අදත් යාපනේ සියට හැත්තැපහක් විතර ඉන්නෙ සිංහල මිනිස්සුන්ගෙන් පැවත එන අඩු කුලේ කියන අය.

ඉංගිරිසි කාරයො මේ ඔක්කොට ම වැඩිය භයානක අය. ඔවුන් සිංහල නායකයන් ව රවටලා සිංහල රජ්ජුරුවන්ව අල්ල ගෙන රටත් අල්ල ගත්ත. ඒ ගොල්ලත් ඉස්කෝල ඇතිකරලා අපිව සිංහල බෞද්ධකමෙන් ඈත්කරන්න වැඩ කළා. නගරවල ඇති කරපු ඉංගිරිසි ඉස්කෝලවල මේ වැඩේ ගන සැරේට කෙරුණා. ඊටත් වැඩිය ඉංගිරිසි කාරයො දෙමළ වෙල්ලාල මිනිසුන්ට තනතුරු දිලා ඔවුන්ව සිංහලයන්ට විරුද්ධව යොදා ගත්ත. ආණ්ඩුවෙ රස්සාවල් වැඩිය දුන්නෙ දෙමළ වෙල්ලාල කුලේ අයට. ඉංගිරිසි කාරයො සිංහල බෞද්ධයන්ව පල්ලයහට ම දැම්මා. ඔවුන් බෞද්ධ නොවන සිංහලයන් හා දෙමළ වෙල්ලායන් සාමාන්‍ය සිංහලයන්ට විරුද්ධව යොදා ගත්ත. ජේ ආර් ජයවර්ධනලා රනිල්ලා පැවතෙන්නෙ මේ බෞද්ධ නොවන බෞද්ධ විරෝධී සිංහලයන්ගෙන්.

                                                       මේ රටේ දෙමළ ප්‍රශ්නය සම්පූර්ණයෙන් ම ලන්දේසි කාරයොයි ඉංගිරිසි කාරයොයි ඇති කරපු එකක්. ඒත් අපිට කියන්නෙ වෙනින් කතාවක්. දෙමළ මිනිසුන්ට සිංහලයන්ගෙන් අසාධාරණයක් වුණා කියලා තමයි කියන්නේ. ඒ වුනාට වෙච්ච අසාධාරණය මොකක් ද කියල ඇහුව ම උත්තරයක් නැහැ. අසාධාරණයට උත්තර හැටියට විසඳුම් නම් ඉදිරිපත් කරනවා, මේ තමයි ඉංගිරිසිකාරයන් සිංහලයන්ට විරුද්ධව ඇති කරපු දෙමළ ජාතිවාදය. ඒක අද ඊයෙ නෙවෙයි 1833 ඉඳන් තියෙනවා. 1945 දී විතර දෙමළ ජාතිවාදය දෙමළ බෙදුම්වාදය බවට පත්වුණා, 1970 විතර ඒක දෙමළ ත්‍රස්තවාදය වුණා.

මහින්ද මහත්තය පරාද කෙරුවෙ දෙමළ ත්‍රස්තවාදය විතරයි. දෙමළ බෙදුම්වාදයයි දෙමළ ජාතිවාදයයි අද මෙයෙවෙන්නෙ ලංඩනයෙ ඉඳන්. ඒකත් පරාද කරන්න ඕන. මහින්ද මහත්තයට තමයි ඒකත් කරන්න වෙන්නෙ. මහින්ද මහත්තය ප්‍රභාකරන්ගෙ දෙමළ ත්‍රස්තවාදය පරාද කෙරුවෙ සුද්දො ඉස්සරහ දණ ගහන්නෙ නැතිව. ඉංගිරිසි කාරයන්ට, ඇමරිකන් කාරයන්ට ඉන්දියන් කාරයන්ට ඒකට මහින්ද මහත්තයව පෙන්නන්න බැහැ. ඒකයි මේ ඔක්කොම එකතුකරලා මහින්ද මහත්තය පරාද කරල ගෙදර අරින්න ඒ ගොල්ලො වැඩ කරන්නෙ. ඒ ගොල්ලන්ගෙ කීකරු ගෝලයා රනිල්.
                                                    රනිල් ලව්ව සිංහලයන්ට බුද්ධාගමට, රටට ගස්සන්ටයි මේ පරයි ඔක්කොම ලෑස්ති වෙන්නෙ. රට බෙදල, ඊළමත් දීල, බුද්ධාගමත් නැති කරන කල් මුන්ට නින්ද යන්නෙ නැහැ. ඒ විතරක් නෙවෙයි. උන්ට ඕන විදියට රට ගසා කන්ටත් උන් ලෑස්ති වෙනවා. අපි එක් පැත්තකින් ඉන්දියාවෙ යටත්විජිතයක් කරල සුද්දන්ට ගැටගස්සන්න තමයි උන්ගෙ බලාපොරොත්තුව. මේ රටේ හැදිච්චකම මුන් රූපවාහිනි පෙන්නලා නැති කරනවා. රනිල් දන්නෙ රට පාවා දෙන්න විතරයි. මහින්ද මහත්තය අගමැති කළොත් රට බේරා ගන්න පුළුවන්. අගොස්තු 17 වැනි දා අපි වරද්ද ගත්තොත් ඒක ජනවාරි 8 වැනි දා වුණ එක වගේ දස දහස් වාරයක් බරපතළ වැරදි හරිගස්සන්න බැරි එකක් වෙනවා. රනිල්ල අද බොරු පොරෙන්දු දෙනවා. ජූලි වැඩවර්ජනයෙදි පඩිය රුපියල් දහයක් වැඩි කරන්න කිවුව කම්කරුවන්ට වෙඩි තිබ්බ. 1987 -92 කාලෙ දී ජ වි පෙ තරුණයන් දහස් ගණනින් මැරුවා. බටලන්ද මතකයි නෙ. ඒ වුණත් තමනුත් මිනීමරුවො වේච්ච අනුර දිසානායකලාට ඒවා මතක නැහැ. අනුර දැන් රනිල් එක්ක මගුල් කනවා.                                                                                                                                                                                                                                        ඔබට තිරණය කරන්න තියෙන්නේ රනිල්ට ඡන්දෙ දීල රට පාවා දෙනව ද, නැත්නම් මහින්ද මහත්තයට ඡන්දෙ දීල රට රැකගන්නවද කියන එකයි. රනිල්ට ඡන්දෙ දීල රණවිරුවො ජීවිත පරිත්‍යාගයෙන් ඇස් ඉස් මස් ලේ දන්දීමෙන් රැකගත් රට පාවාදීමෙන් රණවිරුවන්ගේ පරිත්‍යාග ගඟට ඉණිකැපීමක් කර ගන්නවා ද? රණවිරුවන්ට ගරු කිරීමටත් රට රැකගැනීමටත් මහින්ද මහත්තයත් එක්ක වැනෙන්නෙ නැතිව කෙලින් ඉන්න මන්ත්‍රීවරුන් 125 දෙනකුවත් පත්කර ගත යුතු වෙනවා.

චින්තනපර්ෂදය 2015 ජූලි 24 ලිපිය උපුටා ගැනීමක්

මහ රහතුන් වැඩි මඟ ඔස්සේ MP3

​

භාග්‍යවතුන් වහන්සේ අවබෝධ කලාවූ ශ්‍රී සද්ධර්මය, තාක්‍ෂණය නම් වූ මාරයාට යටවෙමින් පවතින මේ කාල වකවානුවේ අපි හැමෝම නොදැනුවත්වම සතර අපායට ලංවන බව අපි නොදැන සිටියෙමු. නමුත් ධර්මය අවරට යන මේ කාල වකවානුවේ බුදුරාජාණන් වහන්සේවම විශ්වාස කරමින්, මහ රහතුන් වැඩි මඟ ඔස්සේ ගමන් කර, මාරයා පරාජය කර, නැවතත් ශ්‍රී සද්ධර්මය මතුකරගත්, අති පූජ්‍ය රාජගිරියේ අරියඥාන ස්වාමීන් වහන්සේ අප කෙරෙහි ඇති මහා කරුණාව නිසාම දේශනා කළා වූ ධර්මය අපට අසන්නට දකින්නට ලැබෙන්නේ අපගේ පුණ්‍ය කර්මයක් නිසාමයි. උන් වහන්සේ දේශනා කල ධර්ම දේශනා සහ ධර්ම සාකච්ඡා සහිත කාලය පැය 33ක MP3 ලෙස සකස් කල 700MB සංයුක්ත තැටියක් පහත යොමුව තුළින් බාගත කරගත හැක.

http://maharahathun.wordpress.com/cd/

තෙරුවන් සරණයි ! සියලු සත්වයෝ දුකෙන් මිදෙත්වා ! නිවන් දකිත්වා !

http://maharahathun.wordpress.com/cd/

“බුද්ධ ශාසනය සම්පූර්ණයෙන්ම් පවතින්නේ කල්‍යාණ මිත්‍රයන් නිසාය” බුදුරජාණන්වහන්සේ දේශනා කල එම සත්‍ය පසක් කරමින් මෙහි අඩංගු සියලු ධර්ම දේශනා සහ ධර්ම සාකච්ඡා සංවිධානය කල, පටිගත කල, අන්තර්ජාලයට එකතු කල සහ ශ්‍රවණය කරන, ශ්‍රවණය කිරීමට සලස්වන සැමට චතුරාර්‍ය සත්‍ය අවබෝධ වීම පිණිස මේ පින් හේතු වේවා! ඔබට අවස්ථාවක් තිබේනම් අනිවාර්යයෙන්ම මෙම ධර්ම දේශනා ඔබගේ දෙමවුපියන්ට අසන්නට සලස්වන්න.

- සියළු දානයන් අතර ධර්ම දානයම අග‍්‍ර වන්නේය. මෙම සදහම් පණිවිඩය සියළු දෙනා අතර බෙදා හැර ධර්ම දානමය උතුම් පුණ්‍යකර්මයට ඔබත් දායක වන්න.

මෙම ලිපිය Sachin Chamathka මහතා විසින් එවන ලද ලිපියක උපුටා ගැනීමක් වන අතර  සියලු දෙනාට දහම් බෙදාදීමට ගන්නා කුඩා වෑයමකි

--
තෙරුවන් සරණයි !

සුන්නන්ගල හා ජෝතිෂ්‍ය

කුමාර ජනක යුතුකම සංවාද කවය

 

2015.03.12 වනදා ස්වාධීන රූපවාහිනිය හරහා විකාශනය වූ සත්‍යාගාරය නම් වැඩ සටහන මගින් ජ්‍යෙතිෂය සම්බන්දව සුමනදාස අබේගුණවර්ධන නම් පුද්ගලයා සම්බන්ද කරගනිමින් උපුල් සාන්ත සන්නස්ගල විසින් පැවැත්වූ සාකච්චාමය වැඩසටහන මගින් ජ්‍යෙතිෂ සාස්ත්‍රය අපහාසයට උපහාසයට ලක්කිරීමක් සිදුවිය.එහිදී සන්නස්ගල විසින් ඉදිරිපත්කරන ලද ප්‍රශ්න සදහා නිසි පිලිතුරක් ලබාදීමට ජ්‍යෙතිෂ වේදියෙකු ලෙසින් හදුන්වා ගනු ලබන සුමනදාස අබේගුණවර්ධනට නොහැකිවිය.මෙම ලිපිය ඒ හා සම්බන්දව වේ.

ජ්‍යෙතිෂය විද්‍යාවක්ද ?

ජ්‍යෙතිෂය විද්‍යාවක් නොවේ.සාස්ත්‍රයකි.ඉගැන්වීමකි.මගපෙන්වීමකි.සමහරුන් මෙය විද්‍යාවක් ලෙස හැදින්වූවත් එය විද්‍යාවක් නොවේ.සන්නස්ගලගේ මෙම ප්‍රශ්නයට නිසි පිලිතුරක් දීමට සුමනදාසට නොහැකිවෙයි.සන්නස්ගලද උපක්‍රමික වශයෙන් සිය වචන භාවිතා කරනු ලබයි.විද්‍යාව යනු පරීක්ෂනාගාරයක් තුල පරීක්ෂණයකට ලක්කල හැකි දෙයක් ලෙස හදුන්වයි.විද්‍යාවක් නොවන දෙයක් එලෙස පරීක්ෂණයට ලක්කරන්නේ කෙසේද ? එසේනම් සන්නස්ගල නම් ගුරුවරයා මෙම ප්‍රශ්නයට පිලිතුරු දිය යුතුය.” දෙශපාලන විද්‍යාව ” උසස්පෙල හදාරන දරුවන්ගේ විශයකි.දේශපාලනය විද්‍යාවක්ද ? එය පරීක්ෂණාගාරයක පරීක්ෂාවකට ලක්කර ප්‍රතිපලය මෙය යැයි කිව හැකිද ? නැත සිදුව ඇත්තේ ඒ ඒ විෂය සම්බන්දව භාවිතාවන වචනයන්හි නිවැරදි නොවන බවයි.සන්නස්ගල මෙය දනී.නමුත් ඔහුගේ පරමාර්තය එම වැඩසටහන මගින් මහින්ද රාජපක්ෂ මහතාටත් ජ්‍යෙතිෂයටත් පහරගැසීමයි.

ග්‍රහයන් කී දෙනෙකු සිටීද ?

ජ්‍යෙතිෂයේ ග්‍රහයන් නවදෙනෙකි.එනම් රවි ,සදු , බුධ , කුජ , සිකුරු , ගුරු , ශනි , රාහු සහ කේතු.මෙයින් රාහු කේතු යනු අපගේ දෘශ්ටියට ගොචරවන ග්‍රහයන් නොවේ.නක්‍ෂත්‍ර දුරේක්‍ෂය භාවිත කර අහස දෙස ඕනෑකමින් බලන්නකුට පවා ජේ‍යාතිෂ්ශාස්ත්‍රයේදී හඳුන්වාදී තිබෙන රාහු සහ කේතු යන ග්‍රහයන් කිසි දිනක දැක ගත නොහැකිය. තාරකා විද්‍යාවේදීත් රාහු ග්‍රහයා සහ කේතු ග්‍රහයා ගැන සඳහනක් නොමැත. එසේ නම් මෙම රාහු සහ කේතු යනු කවුරුන්ද? කවරෙක් විසින් මොවුන් දකිනා ලද්දේද ? මෙම බලවේග දෙක නිර්මාණය වන්නේ සූර්යයා වටා පෘථිවියේ ගමනත් පෘථිවිය වටා චන්ද්‍රයාගේ ගමනත් පදනම් කර ගෙනය. පෘථිවි කක්‍ෂයත් එනම් සූර්යයා වටා පෘථිවියේ ගමන් මඟ) චන්ද්‍ර කක්‍ෂයත් (එනම් පෘථිවිය වටා චන්ද්‍රයාගේ ගමන් මඟ) එකිනෙක කැපෙන ස්ථාන දෙක රාහු සහ කේතු වශයෙන් නම් කර ඇත.

ඒ අනුව රාහු කේතු හැර ප්‍රධාන ග්‍රහයන් හතකි.රාහු කේතු සමග නවයකි.ප්ලූටෝ නෙප්චූන් සහ යුරේනස් මෑතක සොයාගන්න ලද ග්‍රහයන් වන අතර එම ග්‍රහයන් සෞරග්‍රහ මණ්ඩලයේ දුරින්ම පිහිටි ග්‍රහයන්වේ.එම ග්‍රහයන්ට පෘතුවියට බලවත් බලපෑමක් ඇතිකල නොහැක.

මෙම ග්‍රහයන්ට පෘතුවියටත් මිනිසාටත් කිසියම් බලපෑමක් කල හැකිද ?

මෙම ප්‍රශ්ණයට ලබාදිය හැකි පිලිතුර වන්නේ ” ඔව්.කලහැකියි “

මෙය සම්පූර්ණයෙන් විග්‍රහකල හැකිය.නමුත් එය තේරුම් ගැනීමට තරම් ශක්තියක් හෝ දැනුමක් සන්නස්ගල සතුව නැත.සන්නස්ගල මෙවැනි ප්‍රශ්ණ ඇසීමට පෙර ,පලමුව ජ්‍යෙතිෂ සාස්ත්‍රයේ මූලික සිද්ධාන්ත හෝ ඉගෙනෙගෙන සිටිය යුතුය.ඕනෑම අයෙකුට ඕනෑම දෙයක් සම්බන්දව ප්‍රශ්නකල හැකි නමුත් අභියෝගාත්මකව සම්ච්චලයට ලක්කිරීම සදහා ප්‍රශ්න කරන්නේ නම් ඒ අසන ප්‍රශ්නය පිලිබ්දව දැනුමක් ලබාතිබිය යුතුය.කොහෙන් හෝ අහුලාගත් වචන කිහිපයක් සහ උදාහරණ කිහිපයක් සමග ප්‍රශ්න කිරීම බුද්ධිගෝචර නොවේ.

බුදුරජාණන් වහන්සේ ජ්‍යෙතිෂය ප්‍රතික්ෂේප කලා.ඇයි එහෙනම් බෞද්ධයො ලෙස ජ්‍යෙතිෂය පිලිගන්නේ ?

”නක්ඛත්තං පතිමානෙන්තං
අත්ථො බාලං උපච්චගා
අත්තො අත්ථස්ස නක්කත්ථං
කිං කරිස්සන්ති තාරකා”

නැකැත් බලමින් තටයුත්ත පසුකරන්නා වූ මෝඩයා හට අර්ථය ඉක්මවා යන්නේය. බලාපොරොත්තවන අර්ථය සිදුවෙනම් එයම නැකතය. අහසේ තරු කුමක් කෙරේද?:

සන්නස්ගල ඔබ මෙවැනි ප්‍රශ්ණයක් ඇසීමට පෙර බුදුදහම සහ බුදුදහමේ හරය තේරුම්ගෙන සිටිය යුතුය.ඔබ ඒ සම්බන්දව කිසිවක් දන්නේ නැතිබව පෙනේ.බුදුදහම ලෞඛික සුඛ විහරනය සදහා මගපෙන්වන දර්ශනයක් නොවේ.සියල්ල අනිත්‍ය බව මෙනෙහිකරමින් ලොකෝත්තර සුවයක් ලබන්නට හෙවත් නිර්වාණය අවසාන ප්‍රතිපලය ලෙස ලැබීමට මගපෙන්වන දහමක්.එහිදී මමය මාගේ සංකල්පයක් නැත.සියල්ල නැසෙන සුලුය.බෞද්ධයා සහ බෞද්ධ දර්ශනය අතර විශාල පරතරයක් පවතී.බුදුරජානන් වහන්සේ ලෞඛික ජීවිත යහපත්ව පවත්වාගෙන යාමට උපදෙස් මාලාවක් උගන්වා ඇත.නමුත් බුදුදහමේ ඒ සම්බන්දව කියවෙන්නේ ඉතා අඩු වශයෙනි.

බුදුරදුන්ගේ ඉගැන්වීම් නවීන විද්‍යාවෙන් පවා පිලිගත් අවස්තා පවතී.නමුත් බුදුරජානන් වහන්සේ විශ්වය ගැන විශ්වයේ පිහිටීම ග්‍රහතාරුකා සම්බන්දව දේශනාකර තිබෙන්නේ ඉතා අවම වශයෙනි.ඒ බුදුරජානන් වහන්සේ ඒවා සම්බන්දව නොදැන සිටීම නොව,එවැනි දෙයකින් නිර්වාණාවබෝධය සොයන පුද්ගලයාට පිහිටක් ලැබිය නොහැකි නිසාවෙනි.එසේ නිර්වාණය පරම අධිශ්ටානය කරගත් භික්ෂුවට හෝ පුද්ගලයාට ග්‍රහ තාරිකාවෙන් ඇති වැඩක් නැත.නොපමාව කුසල් රැස්කිරීම එකම අරමුණවේ.ඒ නිසාවෙන් බුදුරදුන් ජ්‍යෙතිශය මේ ආකාරයට ප්‍රතික්ශේපකලා යැයි සිතිය හැකිය.මේ සම්බන්දව නිසි පිලිතුරක් ලබාගැනීමට එක්කෝ බුදුරදුන් ජීවමානව සිටිය යුතුය.නැතිනම් රහත්ඵලය ලැබූ භික්ෂුවක් හමුවිය යුතුය.එසේ නොමැතිව මෙවැනි ප්‍රශ්නයක් සාමාන්‍ය පුද්ගලයෙකුගෙන් අසා එයට සම්පූර්ණ පිලිතුරක් බලාපොරොත්තු වීමත් එසේ නොවූවිට බුදුදහම මූලිකකොටගෙන ජ්‍යෙතිෂය අපහාසයට උපහාසයට ලක්කිරීම නොකල යුතුය.

ජ්‍යෙතිෂයෙන් 100% නිවැරදි අනාවැකි කිවහැකිද ?

පුලුවන්.නමුත් එවැනි අය දැනට නැත.මානසික තත්වයන් දියුණුකරගත් සෘෂිවරුන් වැනි උගතුන් උතුමන් අද නැත.වර්ථමානයේ සිටිනුයේ පොතපත භාවිතා කරමින් ගුරුවරුන් ඇතිව හෝ නැතිව ජ්‍යෙතිෂය හැදෑරූ සාමන්‍ය මිනිසුන්ය.පොතපතේ සියල්ල නැත.වර්තමානයේ ජ්‍යෙතිෂ කරුවෙකුගෙන් 100% ක අනාවැකියක් බලාපොරොත්ත්තු වන්නේ නම් එය මෝඩකමකි.ඒ ආකාරයෙන් අනාවැකි කිවහැකි අයෙකු සිටීනම් ඔහු මේ ලෝකයේ ප්‍රධාන පාලකයා වනු ඇත.ලොකුම ධනවතා බලවතා වනු ඇත.සියලු රාජ්‍ය නායකයන් ඔහු සොයා පැමිණෙනු ඇත.වර්තමානයේ සිදුවන යුධ ගැටුම් නොපවතිනු ඇත.මිනිසුන් අකාලයේ මියනොයනු ඇත.ගුවන් යානා අතුරුදහන් නොවනු ඇත.අතුරු දහන් වූවත් සෙවීමට මහා ශ්‍රමයක් කාලයක් වැය නොවනු ඇත.සුනාමි භූමිකම්පා ඇති වූවත් එය මුලතියා හදුනාගැනීමට හැකිවනු ඇත.

ජ්‍යෙතිෂය මගින් 75% වත් නිවැරදිව අනාවැකියක් කිවහැකිනම් එය සුවිශේෂී හැකියාවකි.කිසියම් කාලසීමාවකට යටත්ව අනාවැකි පවසනවා මිස 100% නිවැරදි දින වකවානු සහිතව අනාවැකි කිවහැකිදැයි මා තවමත් නොදනී.එවැනි අයහමුවී හො එවැනි අය පිලිබ්දව අසාද නැත.

ජ්‍යෙතිෂවේදීන් වර්තමානයේදී ‘ තමා කියූ අනාවැකියක් වැරදී නැති ” බව පවසයි.නමුත් වැරදුන තැන් කොතෙකුත් ඇත.වර්තමානයේ සියල්ල මුදල් මත තීරනයවේ.ජනමාධ්‍ය භාවිතා කිරීම මගින් පුද්ගලික පැවැත්ම උදෙසා තම හැකියාවන් උලුප්පා දැක්වීමක් සිදු කරයි.එය මිස වෙන කිසිවක් නොවේ.සන්නස්ගල ඔබ මාධ්‍යවේදියෙකුදැයි මා නොදනිමි.නමුත් ජනසංනිවේදන විෂයේ මාධ්‍යභාවිතය සහ එහි උපක්‍රම පිලිබදව වෙනම පරිච්චේදයක් ලෙස උගන්වනු ලබයි.ඒ අනුව මාධ්‍ය තුල ජ්‍යෙතිෂයේ හැසිරවීම තේරුම් ගැනීමට ඔබට හැකියාව තිබිය යුතුය.ඔබ මාධ්‍යට උඩින් පාත්වූ අයෙකි.මාධ්‍ය භාවිතයේ මූලික සිද්ධාන්ත ඔබ දැන සිටින්නේ කෙසේද ?

අපල සදහා බෝධිපූජා තැබීම හරිද මෙය බෞද්ධයා මුලාකිරීමක් නේද ?

අපල කාලය යනු කායික මානසිකව පුද්ගලයා දුබල වන අවස්තාවකි.බෝධිපූජාව යනු අනාදිමත් කාලයක සිට ලාංකීය බෞද්ධ ජනතාව අතර පැවත එන ආගමික පිලිවෙතකි.මානසික වශයෙන් සුවයක් ලැබීම සදහා වන පිලිවෙතකි.ආශිර්වාදය යනු මහා බලයකි.කෙනෙකු තවත් කෙනෙකුට හදවතින්ම ආශිර්වාදයක් කරන්නේ නම් ඒය එම පුද්ගලයාට සැනසීමකි.අපලයක් වේවා අන් ඕනෑම හේතුවකින් අඩපනව සිටින පුද්ගලයාට ආශිර්වාදය පවා මහත් සැනසීමකි.හේතු වාදියෙකු වන ඔබ මේවා දන්නේ කෙසේද ? දැන සිටියත් කුහක දේශපාලණික මතවාදයෙන් ඔබ්බට පැමිණීමට ඔබවැනි උගත් නමුත් බුද්ධිමත් නොවූවන් පෙලෙබෙන්නේ නැත.

සදෙහි දරුවෙකු ඉපදුනොත් හදහනක් සෑදිය හැකිද ?
පුලුවන්.අනිවාරයෙන්ම පුලුවන්.සදෙහි ඒ උපත සිදුවන ස්තානය අනුව පිහිටීම සහ ඒවා ගණනයන්ට අනුව සිදුකල හැකියි.නමුත් සදෙහි කිසිදා මිනිස් උපතක් සිදු නොවනු ඇත.සිදුවන්නේ නම්,ඒ මත ගොඩනැගෙන දේශගුණික , සමාජ සංස්කෘතික තත්වයන් අනුව එය තීරණය වනු ඇත.දකුණු ආසියානු රටක් ලෙස ලංකාවේ දරුවෙකු උපත ලැබීමත් එම උපත ලැබූ දරුවාට හදහනක් සකසන ආකාරයටත් බ්‍රිතාන්‍ය වැනි රටක උපත ලබන දරුවෙකු සහ ඒ දරුවාට හදහන සකස් කරන ආකාරයත් තේරුම්ගැනීමෙන් මෙම ප්‍රශ්ණයට පිලිතුරු ලබාගැනීමට හැකිය.ලංකාවේත් බ්‍රිතාන්‍යයේත් පවතින්නේ දේශගුණික තත්වයන් දෙකකි.සන්නස්ගල ඔබට මේවා හාස්‍ය ඇතිකරවන තර්ක වනු ඇත.නමුත් සියල්ලටම ආරම්භයක් සේම අවසානයක් ඇත.ඕනෑම ප්‍රශ්නයකට පිලිතුරක් තිබේ.

මට මතක ඇති ප්‍රශ්ණ මෙපමණි.

මහින්ද රාජපක්ෂ මහතාගේ කේන්ද්‍රයට වඩා සිරිසේන ජනපති වරයාගේ කේන්ද්‍රය ශක්තිමත් බලවත් බව සුමනදාස අබේගුනවර්ධන පැවසීම.

මෙය සම්පූර්ණ අසත්‍යක් වන අතර මහින්ද මහතා පරාජය වීමෙන් පසුව තම තත්වයට ගෞරවයට සිදුවූ හානිය වසා ගැනීමට සුමනදාස නම් පුද්ගලයා ජ්‍යෙතිෂය පාවදුන් අවස්තාවකි.

සිරිසෙන මහතාගේ කේන්ද්‍රය දුබල බව තරයේ මා ප්‍රකාශ කරමි.එය ශක්තිමත් නම් ඇයි ඔහුට උසස් ඉගනීමක් ලැබීමට නොහැකි උනේ.ඕනෑම අයෙකුගේ කේන්ද්‍ර සටහනක් ගත්විට රාජයෝග දක්නට ලැබෙයි.නමුත් සියල්ලෝ රජ වන්නේ නැත.විශේෂයෙන් දේශපාලනික වශයෙන්.එයට පවුල් පසුබිම සමාජ පසුබිම අවශ්‍යයි.

සිරිසේනගේ හෝ මහින්දගේ කේන්ද්‍ර විග්‍රහ කිරීමට මෙය අවස්තාවක් කරගන්නේ නැත.එයට ඉදිරියේ අවස්තාවක් උදාවනු ඇත.නමුත් සිදුවූ තත්වය පෙන්වා දිය යුතුය.මහින්ද රාජපක්ෂ මහතා මේ මොහොතේ චන්ද්‍ර අශ්ටම ඒරාශ්ටක අපලය ගෙවමින් ඇත.සිරිසේන මහතා ලග්න ඒරාශ්ටක අපලයේ අවසන් අවස්තාව ගෙවමින් සිටී.

මහින්ද මහතාගේ ඒරාශ්ටකය යෙදී ඇත්තේ ලග්නයෙන් තුන්වැන්නේවේ.එනම් සහොදරයන් අසල් වැසියන් හිතවතුන් පිලිබදව කියවෙන ස්තානයයි.ඒ අනුව ඔහුගේ සහොදරයෙකුගේ ක්‍රියාවන් සෘජුවම මේ අවස්තාවේ අවාසි සහගතලෙස බලපෑවේය.එසේම හිතවතුන් යැයි තමා සිතා සිටි පුද්ගල චරිත මෙන්ම විවිධ රාජ්‍යන්ගේ දේශපාලනික යටි අරමුණුද රාජපක්ෂ මහතාගේ පරාජයට බලපෑවේය.තමාවටා සිටි අයගේ ක්‍රියාවන්ද අවාසි සහගත ලෙස බලපෑවේය.ඔවුන්ගේ කේන්ද්‍ර සටහන් පරීක්ෂාකර බැලුවේ නම් එය තහවුරු කරගැනීමට හැකියාව ඇත.අපලයක් යනු පරාජිත කාලයකි.තමන්ටත් අපලයක් යෙදී තමා සමග සිටින අයටද පරාජිත කාලයක් පවතී නම් ප්‍රතිපලය පරාජයයි.

සිරිසෙන මහතාගේ ලග්නයෙන් දෙවැන්නේ සෙනසුරු ගමන් කරයි.එනම් ශරීරයේ කට පිලිබදව කියවෙන ස්තානයයි.සිරිසේන මහතා මැතිවරන සමයේ කොතෙකුත් නොගැලපෙන කතා කීවේද ? ඔබට මතක තිබිය යුතුය.ගුවන් තොටුපල වසාදමන බව එක් අවස්තාවක පැවසූ අතර තවත් අවස්තාවක තමා එසේ නොකිවූ බවත් එසේ කියන්නට තමාට පිස්සුවක් ඇතැයිද ප්‍රශ්න කලේය.එයම ඔහුගේ සිහි බුද්ධිය පිලිබදව ජනතාවට තේරුම් යන්නට ප්‍රමාණවත් විය.නමුත් ඒවාද අමතක කරමින් ජනතාව ඔහුට කැමැත්ත පලකලේය.

ඇයි එහෙම උනේ ….

තමාගේ ග්‍රහ තත්වය දුබල උවත් තමාවටා සිටින අයගේ ග්‍රහ තත්වය ශක්තිමත්ය.එනම් රනිල් වික්‍රමසිංහ මහතා අපල අවස්න්කර තිබුණි.චන්ද්‍රිකා මැතිණියට රාජ යෝගයක් ලබා ශක්තිමත්ව තිබුනේය.මේ හේතුවෙන් තම ග්‍රහ දුබලතාවය දුබල කරවමින් අනෙකුත් අයගේ තත්වයන් තමන් කරා පැමිණියේය.ඒ අනුව මෙම ජය සිරිසේන මහතාගේ නොවේ.මෙය ඔබට පැහැදිලි නොවේ නම් පහත උදාහරනය බලන්න.

ඔබගේ නිවසේ පස් දෙනෙක් ඉන්නව.ඔබට තදබල අපලයක් තියෙනව.අනෙක් හතර දෙනාටම සුබ බලවත් කාලයක් ගෙවෙනව.එතකොට ඔබට තනි පුද්ගලයෙක් වශයෙන් අපලය බලපෑවත් අනෙක් අයගේ ආර්තික ශක්තිය,සමාජයේ ඇති ශක්තිය අනුව ඒ අසුබ බොහෝ දුරට මගහැරෙනව.ඔබ වැරද්දක් කරල පොලිසියට අහුවෙනව.ඔබට අපලය බලපෑව.නමුත් ගෙදර අනිත් අය එනව.පොලිසියෙ ලොක්කට කතා කරනව.සමහරවිට කීයක් හරි අත යටින් දෙනව.ඔබට සහනයක් ලැබෙනව.සමාජයේ දකින්න ලැබෙන තත්වයන්මේ.

අනෙක් අතට ඔබට අපල කාලය පවතිනවිට ගෙනදර සියලුදෙනාටම අපල පවතිනව.එවිට සිදුවන්නේ ගහෙන් වැටුන මිනිහට ගොනා අනිනව වගේ වැඩ.

කෙසේ වෙතත් සිරිසේන මහතාගේ කේන්ද්‍රය දුර්වලයි.අනෙකාගේ කරපිටින් රජ පුටුවට ගියා.මහින්ද මහතාගේ කේන්ද්‍රය බලවත්.දෙදෙනාම සෙනසුරුගේ අපලයට හසුවෙලා.සිරිසේන මහතාට සෙනසුරු 50% මේ මොහොතේ අපල කරනව.50% සුබයි.මහින්ද මහතාටත් එසේමයි.මහින්ද මහතාට 50% ඒ අපලය ක්‍රියාත්මක උනා.සුබ කියාත්මකවීම සිදුවුනේ නෑ.සිරිසෙන මහතාට පලමුව 50% සුබ ක්‍රියාත්මක උනා.අසුබ ක්‍රියාත්මක උනේ නෑ.එහෙනම් ඉදිරියට වෙන්නෙ මහින්ද මහතාට සුබ ක්‍රියාත්මක වන විට සිරිසේන මහතාට අසුබ ක්‍රියාත්මකවීම.මහින්ද මහතාගේ ඉදිරිය පැහැදිලියි.නමුත් බාදා සහිතයි.රජකම උරුමයි,එය නැවතිය නොහැකියි.

රටක් වශයෙන් ගත්කල…

ලංකා කේන්ද්‍රයේ ලග්නය කුම්භ.එහෙම වෙන්නෙ කොහොමද ?

ලංකා කේන්ද්‍රය සැකසෙන්නේ 1948.02.04 වන දින නිදහස හිමිවීම සහ එම වේලාව අනුව.එය දැනට පිලිගැනීම.හරියට වසරේ ලග්න පලාඵල වසර ආරම්බ වන දිනයේ සූර්‍ය උදාව සමග සකසනව සහ පලාඵල කියනව වගේ.

ලෝකයක් වශයෙන් ගත්විට…

ලග්න දොලසයි.එයින් පලමු ලග්නය මේෂ.මේෂ ලග්නය පලමු ලග්නය ලෙස සලකන විට ලෝක කේන්ද්‍රයේ ලග්නය මේෂ වශයෙන් සලකනව.ඒක එහෙම වෙන්නෙ කොහොමද කියල දැනගන්න ඕනෙ නම් එය ඒ විදිහයි කියල සම්මත කල කෙනා හොයාගෙන අහන්න වෙනව.මම දන්නෙ නෑ.නමුත් මේවා සම්මතයන්.

සත්‍යාගාර වැඩ සටහනේ අවසානය , සන්නස්ගල සටහන් කරන්නේ ඉන්දියානු අගමැතිවරයෙකු වන ශ්‍රී ජවහල්ලාර් නේරු පැවසූ වදනකි.එහිදී ඔහු කියනව ජ්‍යෙතිෂයටවත් අහසේ ග්‍රහ තාරුකාවකටවත් කිසිවක් තීරනය කල නොහැකි බව.ජවහල්ලාර් නේරු කියන්නේ හේතුවාදී දර්ශනය අනුගමනට පෙලබුන අයෙකි.ප්‍රකට හේතුවාදීන් අතර ඔස්ට්‍රේලියාවේ හිටපු අගමැතිනි ජූලියා ගිලාඩ් , මහාචාර්ය කාලෝ ෆොන්සේකා, මහාචාර්ය ඔස්මන්ඞ් ජයරත්න, වෛද්‍ය රූමි රූබන් යන අය ඔබ දන්නව.හෙතුවාදයේ දෙවියන් නැත.භූතයන් නැත,මලගිය ආත්ම නැත.විශ්වයේ ශක්තීන් නැත.ආගම දහම බොරුය,සිරිත්විරිත් බොරුය,දෙමාපිය දූදරු සබදතා නිශ්ඵලය, මෙවැනි සංකල්ප පවතී.මේවා ඔබට පිලිගත හැකිද ? හේතුවාදයේ තමාම ප්‍රමුඛවේ.මතු ආත්මය පිලිබදව විශ්වාස නොකරන සිරිත් විරිත් සදාචාරය සංස්කෘතිය නොපිලිගන්නා හේතුවාදය මා තරයේ ප්‍රතික්ශේප කරමි.ඔබ එය හදුනාගෙන සිටීම වැදගත්.එවැනි හේතුවාදියෙකු වූ ජවහල්ලාර් නේරු තුමාගේ ඔවදන සන්නස්ගල ප්‍රසිද්ධ මාධ්‍යාක භාවිතා කරමින් අනාදිමත් කාලයක සිට පැවත ආ ජ්‍යෙතිෂ වැනි සාස්ත්‍රයකට අපහාස උපහාස කිරීම සක්කිලි ක්‍රියාවක් ලෙස මා හදුන්වමි.

සන්නස්ගලට සත්‍යාගාරය වැඩසටහන මගින් අවශ්‍ය වූයේ සිය දේශපාලනික මතය ගෙනහැර දැක්වීමත් මහින්ද රාජපක්ෂ මහතා මිත්‍යා දෘශ්ටිකයෙකු ලෙස හැදින්වීමත්ය.එයට ජ්‍යෙතිෂයේ නාමිකව පමණක් ප්‍රසිද්ධ සුමනදාස අබේගුණවර්ධන නම් අවස්තාවාදියා භාවිතා කරන ලදී.මහින්ද රාජපක්ෂ යනු මිත්‍යාදෘෂ්ටිකයෙකු නොව ඔහු රටට මෙන්ම සමාජයට , සමාජ සිරිත්විරිත් වලට ආගම දහමට අසීමිතව ලෙන්ගතු වූ අසහාය නායකයකි,එම නායකයා සහ නායකත්ව ලක්ෂණ බිදදැමීමට සන්නසගල වැනි හේතුවාදීන් ක්‍රියාකරමින් ඇත.නමුදු ඔවුන් අවසානයේ පරාජය වන බවත් ආගමට දහමට සංස්කෘතියට සදාචාරයට නිගාදෙමින් කටයුතු කිරීමේ පාපයට හසුවන බවත් ප්‍රකාශ කරමි.සන්නස්ගල මේ ගයන්නේ ඔහුගේ අවසන් ගීතය වනු ඇත.

- කුමාර ජනක
යුතුකම සංවාද කවය

 

අගනා උපුටාගැනීම :  http://www.jdorg.blogspot.com/